Stay at home မြို့နယ်အားလုံးကို ယခုလကုန် ဖြေလျှော့ပေးလိုက်ပြီဟု အတိုင်ပင်ခံပုဂ္ဂိုလ်ပြော

0
101

အိမ်မှာပဲ နေကြဖို့ ညွှန်ကြားချက်ထုတ်ထားတဲ့ မြို့နယ်အားလုံးကိုဒီလကုန်မှာ ဖြေလျှော့ပေးလိုက်ပြီလို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောပါတယ်။

ကိုဗစ်-၁၉ ရောဂါပြန့်ပွားတာကို ကာကွယ်နိုင်ဖို့အတွက် ၂ ပတ်တကြိမ် အခြေအနေတွေကို သုံးသပ်ပြီး၊ ဆက်လက်ထိန်းသိမ်းထားရမယ့် စည်းမျဉ်းတွေ၊ ဖြေလျှော့သင့်တာတွေ၊ မြှင့်တင်သင့်တာတွေကို ဆုံးဖြတ်ရတယ်လို့ သူ့ရဲ့ဖေ့စ်ဘုတ်ကနေ ရေးသားဖော်ပြလိုက်တာပါ။

အစကတော့ ရန်ကုန်နဲ့ စစ်ကိုင်းတိုင်းက မြို့နယ် ၁၁ ခုမှာ မိမိနေအိမ်မှာ နေထိုင်ရေး(Stay at Home)အစီအစဉ် သတ်မှတ်ထားခဲ့တာဖြစ်ပြီး ဖြေလျှော့ပေးလာတာတွေကြောင့် လက်ရှိမှာ ရန်ကုန်တိုင်းက အင်းစိန် တမြို့နယ်ပဲ ကျန်တော့တာပါ။

လူစုလူဝေးဖြစ်စေနိုင်မယ့် ကိစ္စတွေကိုတော့ ဆက်လက် ပိတ်ပင် ထားပြီး စျေးတွေလို တခြားသူတွေနဲ့ အချိန်ခပ်ကြာကြာထိတွေ့နိုင်တဲ့နေရာတွေမှာ Mask တပ်ဖို့ အထူးအရေးကြီးတယ်လို့ ဒေါ်အောင်ဆန်းစုကြည်က ပြောပါတယ်။

ရောဂါ မပြန့်ပွားစေဖို့ ထိထိရောက်ရောက် လုပ်နိုင်မယ်ဆိုရင် နောက် ၁ လ၊ ၂ လလောက်အတွင်းမှာ ကိုဗစ်-၁၉ ဒုတိယလှိုင်းကို တားဆီးနိုင်မယ်လို့ မျှော်လင့်ရပြီး ရောဂါလက္ခဏာ လုံးလုံးမပြဘဲ ကူးစက်ခံနေရသူတွေ များတာကြောင့် အထူးသတိထားဖို့လိုတယ်လို့လည်း ဆိုပါတယ်။

ဒါအပြင် ပြည်သူတွေအနေနဲ့ လက်ကို ခဏခဏ ဆေးဖို့ မမေ့ဖို့နဲ့ မပေါ့ဆဖို့လည်း ထမ်မံ သတိပေးတိုက်တွန်းထားပါတယ်။

အိမ်မှာနေရတဲ့ကာလတွေအတွင်းမှာ အွန်လိုင်းကနေ အရောင်းအဝယ်တွေ မြင့်လာတယ်လို့ သိရပြီး ဒါဟာ လူတွေရဲ့ အခြေအနေသစ် လိုအပ်ချက်အရ ပြောင်းလဲနိုင်တာကို ပြတာပဲ လို့လည်း နိုင်ငံတော်အတိုင်ပင်ခံပုဂ္ဂိုလ်က ပြောပါတယ်။

—————

အိမ္မွာပဲ ေနၾကဖို႔ ၫႊန္ၾကားခ်က္ထုတ္ထားတဲ့ ၿမိဳ႕နယ္အားလုံးကိုဒီလကုန္မွာ ေျဖေလွ်ာ့ေပးလိုက္ၿပီလို႔ ႏိုင္ငံေတာ္အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္က ေျပာပါတယ္။

ကိုဗစ္-၁၉ ေရာဂါျပန္႔ပြားတာကို ကာကြယ္ႏိုင္ဖို႔အတြက္ ၂ ပတ္တႀကိမ္ အေျခအေနေတြကို သုံးသပ္ၿပီး၊ ဆက္လက္ထိန္းသိမ္းထားရမယ့္ စည္းမ်ဥ္းေတြ၊ ေျဖေလွ်ာ့သင့္တာေတြ၊ ျမႇင့္တင္သင့္တာေတြကို ဆုံးျဖတ္ရတယ္လို႔ သူ႔ရဲ႕ေဖ့စ္ဘုတ္ကေန ေရးသားေဖာ္ျပလိုက္တာပါ။

အစကေတာ့ ရန္ကုန္နဲ႔ စစ္ကိုင္းတိုင္းက ၿမိဳ႕နယ္ ၁၁ ခုမွာ မိမိေနအိမ္မွာ ေနထိုင္ေရး(Stay at Home)အစီအစဥ္ သတ္မွတ္ထားခဲ့တာျဖစ္ၿပီး ေျဖေလွ်ာ့ေပးလာတာေတြေၾကာင့္ လက္ရွိမွာ ရန္ကုန္တိုင္းက အင္းစိန္ တၿမိဳ႕နယ္ပဲ က်န္ေတာ့တာပါ။

လူစုလူေဝးျဖစ္ေစႏိုင္မယ့္ ကိစၥေတြကိုေတာ့ ဆက္လက္ ပိတ္ပင္ ထားၿပီး ေစ်းေတြလို တျခားသူေတြနဲ႔ အခ်ိန္ခပ္ၾကာၾကာထိေတြ႕ႏိုင္တဲ့ေနရာေတြမွာ Mask တပ္ဖို႔ အထူးအေရးႀကီးတယ္လို႔ ေဒၚေအာင္ဆန္းစုၾကည္က ေျပာပါတယ္။

ေရာဂါ မျပန္႔ပြားေစဖို႔ ထိထိေရာက္ေရာက္ လုပ္ႏိုင္မယ္ဆိုရင္ ေနာက္ ၁ လ၊ ၂ လေလာက္အတြင္းမွာ ကိုဗစ္-၁၉ ဒုတိယလႈိင္းကို တားဆီးႏိုင္မယ္လို႔ ေမွ်ာ္လင့္ရၿပီး ေရာဂါလကၡဏာ လုံးလုံးမျပဘဲ ကူးစက္ခံေနရသူေတြ မ်ားတာေၾကာင့္ အထူးသတိထားဖို႔လိုတယ္လို႔လည္း ဆိုပါတယ္။

ဒါအျပင္ ျပည္သူေတြအေနနဲ႔ လက္ကို ခဏခဏ ေဆးဖို႔ မေမ့ဖို႔နဲ႔ မေပါ့ဆဖို႔လည္း ထမ္မံ သတိေပးတိုက္တြန္းထားပါတယ္။

အိမ္မွာေနရတဲ့ကာလေတြအတြင္းမွာ အြန္လိုင္းကေန အေရာင္းအဝယ္ေတြ ျမင့္လာတယ္လို႔ သိရၿပီး ဒါဟာ လူေတြရဲ႕ အေျခအေနသစ္ လိုအပ္ခ်က္အရ ေျပာင္းလဲႏိုင္တာကို ျပတာပဲ လို႔လည္း ႏိုင္ငံေတာ္အတိုင္ပင္ခံပုဂၢိဳလ္က ေျပာပါတယ္။

DVB TV News

LEAVE A REPLY

Please enter your comment!
Please enter your name here