ငြီးငွေ့စရာစာသင်ခန်းကို ပျော်ရွှင်တက်ကြွစေအောင် သင်ကြားပေးတဲ့ အံ့ဖွယ်ထိုင်းကျောင်းဆရာ (ရုပ်သံ)

112

ငြီးငွေ့စရာကောင်းတဲ့ စာသင်ခန်းကို ပျော်ရွှင်တက်ကြွပြီး လေ့လာသင်ယူချင်အောင် စိတ်ခွန်အားပေးဖန်တီးပေးရတဲ့ အလုပ်ဟာ တကယ်တော့ မလွယ်ကူလှပါဘူး။ဒါပေမယ့် ထိုင်းနိုင်ငံမှ အင်္ဂလိပ်ဘာသာသင် ကျောင်းဆရာ သီရာဖောင် မီးဆက်ကတော့ ဒါကို နည်းလမ်းတမျိုးနဲ့ ဖန်တီးခဲ့ပြီး အင်တာနက်စာမျက်နှာတွေပေါ်မှာ ရေပန်းစားနေခဲ့ပါတယ်။

အသက် ၂၉ နှစ်အရွယ် ရှိနေပြီဖြစ်တဲ့ သူ့ကို တီချယ်ဘယ်လီလို့လည်း သိကြပြီး စာသင်ခန်းတွင်းမှာ ကလေးတွေကို မငြီးငွေ့စေဖို့ ထူးခြားတဲ့ အပြင်အဆင်တွေနဲ့ ဖျော်ဖြေသင်ကြားခဲ့တာဟာ တကယ့်ကို ချီးကျူးစရာ ဖြစ်နေခဲ့တာပါ။မိတ်ကပ်အပြင်အဆင်၊ ရှည်လျားတဲ့ ငှက်တောင်မွေး မျက်တောင်တု၊ ဆံပင်တုတွေနဲ့ တီချယ် ဘယ်လီဟာ မြင်ရုံနဲ့တင် ကလေးတွေကို စိတ်ဝင်စားဖွယ် ဆွဲဆောင်ထားနိုင်ခဲ့တာပါ။

ထိုင်းကျောင်းသားကလေးငယ်တွေအဖို့ အင်္ဂလိပ်စာသင်ခန်းစာဟာ ငြီးငွေ့စရာဖြစ်ပြီး ခက်ခဲတဲ့ အသံထွက်တွေ၊ မှားယွင်းမှုတွေကြောင့် အတားအဆီးတခုလိုဖြစ်နေခဲ့တယ်လို့ သူက ဆိုပါတယ်။

“တချို့ကလေးတွေက ကြောက်ကြတယ်။ ဒါပေမယ့် ခုတော့ သူတို့ ပိုပိုပြီး စူး စမ်းသိချင်စိတ်တွေ ဖြစ်လာတယ်။ (အင်္ဂလိပ်စာ) အတန်းထဲမှာ ဘာတွေများ ဆက်ဖြစ် မလဲဆိုတာကို ပိုပြီးလေ့လာချင်စိတ်တွေ ဖြစ်လာတယ်။”

သူစာသင်ကြားနေတဲ့ ကျောင်းကတော့ ဘန်ကောက်မြို့မှ မိနစ် ၉၀ လောက် ကားမောင်းသွားရမယ့် အကွာအဝေးမှာ ရှိနေပြီး သူ့ရဲ့ လှုပ်ရှားဟန်၊ တက်ကြွတဲ့ လမ်း လျှောက်ဟန်၊ အပြင်အဆင်နဲ့ သင်ကြားပုံတွေဟာ စာသင်ခန်းထဲတင်မကတော့ပဲ အင် တာနက်လူမှုကွန်ရက်စာမျက်နှာတွေပေါ်အထိ ပျံ့နှံ့နေခဲ့ပြီ ဖြစ်ပါတယ်။

စင်ကာပူအခြေစိုက် ချန်နယ်နယူးစ်အေးရှ သတင်းနဲ့ အင်တာဗျူးမှာတော့ သူက ခုလိုဖြေကြားထားခဲ့တာကို တွေ့ရပါတယ်။“ဒါတွေက တမင်ဖန်တီးတာမဟုတ်ပဲ တကယ်ကို တိုက်ဆိုင်သွားခဲ့တာပါ။ ကျောင်းကပွဲတခုမှာ ကျနော်ဖျော်ဖြေခဲ့ရပြီးနောက် တန်းပြီး စာသင်မယ့် အတန်းတတန်းကို ဆက်ယူခဲ့ရတယ်။ အဲဒီအချိန်မှာ ကျနော် မိတ်ကပ်တွေကို ဖျက်ဖို့ အချိန်မရခဲ့ဘဲ ဒီအတိုင်းပဲ မိတ်ကပ်တွေနဲ့ စာသင်ခန်းဝင်ခဲ့ရတယ်။”

ဒါပေမယ့် ဘယ်လိုပဲဖြစ်ဖြစ် ခုချိန်မှာတော့ သင်ကြားရေး နည်းလမ်းတခုအဖြစ် ဆက်ပြီးတော့ အသုံးချနေပြီး နိုင်ငံခြားဘာသာစကားတခုအနေနဲ့ အခက်အခဲရှိတဲ့ စာသင်ခန်းမှာ ထိရောက်တဲ့ ရလဒ်တခုဖြစ်လာခဲ့တာပါ။

ပြီးခဲ့တဲ့ ၂၀၁၈ ခုနှစ်က နိုင်ငံတကာ ပညာရေးအဖွဲ့အစည်းတခုဖြစ်တဲ့ EF Education First အဖွဲ့ရဲ့ အင်္ဂလိပ်စာကျွမ်းကျင်မှုဆိုင်ရာ အညွှန်းကိန်းအဆင့်သတ်မှတ်ချက်အရ နိုင်ငံပေါင်း ၈၈ နိုင်ငံမှာ ထိုင်းနိုင်ငံက အဆင့် ၆၄ နေရာမှာ ရှိနေပြီး အင်္ဂလိပ်စာအရည်အသွေး နိမ့်ကျတဲ့ နိုင်ငံစာရင်းမှာ ပါဝင်နေခဲ့တာပါ။

အဲဒီစာရင်းအရ မြန်မာနိုင်ငံက အဆင့် ၈၂၊ ကမ္ဘောဒီးယားနိုင်ငံက အဆင့် ၈၅ အသီးသီးရှိနေပြီး တခြားအာဆီယမ်နိုင်ငံတွေဖြစ်ကြတဲ့ စင်ကာပူကတော့ အဆင့် ၃၊ ဖိလစ်ပိုင်နိုင်ငံက အဆင့် ၁၄၊ မလေးရှားနိုင်ငံက အဆင့် ၂၂၊ ဗီယက်နမ်နိုင်ငံက အဆင့် ၄၁ နဲ့ အင်ဒိုနီးရှားနိုင်ငံက အဆင့် ၅၁ တွေနဲ့ အသီးသီး ရပ်တည်နေကြတာ ဖြစ်ပါတယ်။

လက်ရှိမှာတော့ တီချယ်ဘေလီရဲ့ စာသင်ခန်းလေးထဲမှာတော့ ထူးခြားဆန်းပြားတဲ့ စိတ်ဝင်စားစရာ အသွင်အပြင်၊ သင်ကြားမှုတွေနဲ့အတူ လှုပ်ရှားတက်ကြွလို့နေပါတယ်။

[ ယခုသတင်းကို မိတ်ဖက်မီဒီယာ DVB TV News ၏ တရားဝင်ခွင့်ပြုချက်ဖြင့်ဖော်ပြခြင်း ဖြစ်ပါသည်။ ]