နေတိုး၊ အိန္ဒြာကျော်ဇင်နှင့် မေတိုးခိုင်တို့ ပါဝင်သည့် အချစ်ဒရာမာရုပ်ရှင်- ‘ရူးအောင်ချစ်မယ့်လူ’ (နမူနာ)

115

မြန်မာအချစ်ဒရာမာ ရုပ်ရှင်ကားတကားဖြစ်တဲ့ ‘ရူးအောင်ချစ်မယ့်လူ’ရုပ်ရှင်ကို လာမယ့် စက်တင်ဘာလ ၁၂ ရက်နေ့ ရုံတင်ပြသတော့မှာ ဖြစ်ပါတယ်။

ဒီကားကိုတော့ ရွှေစင်ဦး ရုပ်ရှင်ထုတ်လုပ်ရေးက တင်ဆက်လိုက်တာဖြစ်ပြီး လွန်းထားထားရဲ့ ဝတ္ထုကို မယ်ခိုင်နဲ့ အင်ကြင်းဟန်တို့က ဇာတ်ညွှန်းခွဲထားပေးခဲ့ပြီး ဒါရိုက်တာ အောင်ဇော်လင်းက ရိုက်ကူးပုံဖော်ပေးထားတာပါ။

ဒီရုပ်ရှင်ကားထဲမှာတော့ ဝါရင့်သရုပ်ဆောင်မင်းသားမင်းသမီး ၂ ဦးဖြစ်ကြတဲ့ နေတိုး၊ အိန္ဒြာကျော်ဇင်တို့နဲ့အတူ သရုပ်ဆောင်သစ် မေတိုးခိုင်တို့က ခေါင်းဆောင်ပါဝင်ထားပါတယ်။

အလင်းသစ်၊ အခရာ၊ လရိပ်ညိုစတဲ့ အဓိက ဇာတ်ကောင် ၃ ယောက်ရဲ့ အချစ် ဒရာမာဇာတ်လမ်းက ဘယ်လိုဖြစ်လာမလဲ။ သုံးပွင့်ဆိုင်အချစ်ဇာတ်လမ်းတပုဒ်အနေနဲ့ ဖန်တီးပုံဖော်ထားတဲ့ ဒီကားထဲမှာ ဘယ်လိုအပြိုင်ကြဲ သရုပ်ဆောင်ထားကြမလဲ ဆိုတာကိုတော့ ပရိသတ်တွေက မကြာခင်မှာ ရှုစားကြရတော့မှာပါ။

‘ရူးအောင်ချစ်မယ့်လူ’ရုပ်ရှင်ကားရဲ့ အထူးပွဲပြသမှုကိုတော့ ပြီးခဲ့တဲ့ စက်တင်ဘာ ၈ ရက်နေ့က ရန်ကုန်မြို့၊ သမ္မတရုပ်ရှင်ရုံမှာ ပြုလုပ်ခဲ့တာ ဖြစ်ပါတယ်။

နေတိုးနဲ့ အိန္ဒြာကျော်ဇင်တို့ဟာ အတွဲညီပြီး သရုပ်ဆောင်ကောင်းသူတွေဖြစ်ကြတာမို့ ဒီရုပ်ရှင်ကားဟာ ရုံမတင်ခင်ကတည်းက နာမည်ကြီးနေခဲ့ပြီး ဖေ့စ်ဘွတ်ခ်ပေါ်မှာတော့ လတ်တလောအချိန်ထိ ရုပ်ရှင်ကား Trailer ကို ဝင်ရောက်ကြည့်ရှုကြတဲ့ အကြိမ်ရေ ၄ သန်းကျော် ရှိနေပါတယ်။

[ ယခုသတင်းကို မိတ်ဖက်မီဒီယာ DVB TV News ၏ တရားဝင်ခွင့်ပြုချက်ဖြင့်ဖော်ပြခြင်း ဖြစ်ပါသည်။ ]